Edhe pse ka lindur në Brooklyn të New York-ut në SHBA, kur vjen puna për origjinën, Bebe Rexha nuk e tradhton Dibrën e Maqedonisë. 27-vjeçarja e lindur në një familje shqiptare, u pagëzua me emrin Bleta, kurse me pas përdori emrin artistik Bebe.
Babai i saj është shqiptar nga Dibra e Maqedonisë. Ai shkoi në SHBA së bashku me bashkëshorten edhe kjo shqiptare me origjinë nga Gostivari. Familja Rexha i ruan lidhjet me te afërmit në Maqedoni.
“Unë shkoj në Dibër në Maqedoni për të vizituar familjarët e mi të paktën një herë në vit”, ka thënë për mediat Bebe Rexha. Atë e sheh shpesh të fotografohet në dasma dhe ngjarje familjare kur vjen në Dibër.
Këngëtarja dhe kompozitorja shqiptare u bë e njohur për faktin se shkroi superhitin “The Monster” të Eminem dhe Rihanna. Në vitin 2014, ajo u shfaq me debutimet e saj solo dhe pastaj u paraqit në skenë me reperin Pitbull, e më pas me David Guettan, me Nicki Minaj e Afrojack.
Së fundmi, Bebe ka publikuar albumin “No Hearts Broken” me Nicki Minaj që është produksion i “The Invisible Men”. Të gjitha këto hite do të kemi mundësi që t’i dëgjojmë sot në Tiranë, ku Bebe Rexha do të performojë. Ajo mbërriti dje pasdite në Rinsa, ku u prit nga fansat me lule dhe brohorima.
