Demi Lovato është 29 vjeçe, ndihet shumë mirë me veten dhe këtë gjë sapo e ka vërtetuar me një tatuazh të ri. Pak ditë pasi festoi ditëlindjen, këngëtarja zbuloi në Instagram tatuazhin e saj më të fundit.
Demi ka vendosur të shkruajë mbi dorën e saj një pjesë nga teksti i këngës “Beatiful Chorus” të Infinite Universe.
“Dashuria do të jetojë përgjithmonë në universin e pafund”, shkruhet në tatuazhin e ri të Lovatos.
Fjalët janë rrethuar me yje e planetë dhe Lovato ka bërë edhe një gjysmëhënë si tatuazh në një nga gishtat e saj. Këngëtarja ka treguar se e ka pëlqyer shumë këtë tatuazh dhe ka falendruar publikisht artistin që e realizoi.
Ky është një nga tatuazhet më kuptimplotë që Lovato ka realizuar ndër vite dhe përzgjedhja e këngës nuk duhet të jetë një surprizë për fansat e saj. Në një postim në Instagram të bërë së fundmi, Lovato listoi “Beautiful Chorus” si këngën që përfaqësonte më mirë 28-vjetorin e saj.
Më pas në një postim tjetër ajo listoi të gjitha qëllimet që dëshiron të arrijë këtë vit.
“Do të doja që ta lija perfeksionizmin pas me të 28-tat e mia dhe të pranoj më shumë gjëra në 29-vjetorin tim”, u shpreh artistja.
