Ajo jeton prej vitesh në Shtetet e Bashkuara të Amerikës, por kjo nuk do të thotë që nuk i mungon jetesa në fshat. Modelja shqiptare, Emina Cunmulaj, bëri një vizitë në shtëpinë e familjes së saj, që jeton në një pjesë tjetër të SHBA-së, por është ndier mjaft mirë pasi aty ende vazhdon të jetë shumë e prekshme tradita dhe kultura shqiptare.
Duke filluar që nga arredimi i shtëpisë, te gatimi dhe mënyra e jetesës, edhe pse larg Shqipërisë, ndihet atmosfera si në vendlindje.
Kjo e ka bërë Eminën të ndihet e lumtur, ndërsa ndau në rrjetet sociale disa nga momentet që kaloi pranë babait së saj, nipit të vogël Aleksandër dhe kunatës.
Në “Instagram” ajo ka thënë se ndihet shumë mirë, kur është në atë shtëpi, sikur të jetë në katund.
Ndërkohë, në një fotografi të babait të saj me vajzën e vogël, Ella Faria, ajo ka treguar: “Gjyshi me nipin e nipen, na malësorët i thojm kështu”. Siç edhe dihet, Emina Cunmulaj është nga pjesa veriore e Shqipërisë.
Ndërkohë në “Snapchat” ajo tregoi disa nga gatimet shqiptare të përgatitura nga kunata e saj, si bukë misri, djathë i bardhë, kos, produkte ushqimore të cilat nuk mungojnë asnjëherë në tryezën shqiptare.
Emina Cunmulaj duket se nuk i harron gjërat e vogla, me të cilat u rrit në fëmijërinë e saj.
Burimi: Instagram
