Shumë artikuj të zakonshëm veshjesh apo aksesorësh, të cilat ne i përdorim shpesh nuk janë aq të padëmshëm sa mendojmë. Nëse nuk i kushtojmë vëmendje materialit që veshim, ose nëse blejmë syze dielli që shohim në vitrinat e dyqaneve të palicensuara apo zgjedhim rroba që janë në modë, por jo të rehatshme dhe komode, pasojat mund të jenë vërtet të këqija.
Gjërat që veshim nuk duhet të jenë vetëm të bukura dhe të rehatshme, por gjithashtu duhet të jenë të sigurta për shëndetin tonë. Bright Side ka treguar një listë të artikujve që nuk duhet të blini, ose që duhet të keni kujdes në përdorimin e tyre.
Streçe që janë shumë të ngushta
Të veshurit shpesh streçe të ngushta mund të çojë në acarim të lëkurës. E vërteta është se streçet kryesisht janë të krijuara nga një materiali i dendur dhe kjo gjë i bën të jenë shumë të shtrënguara. Kur lëvizni, materiali fërkon lëkurën tuaj delikate. Për më tepër, trupi djersitet më shumë tek streçet dhe si mjedisi i lagësht ashtu dhe ai i ngrohtë janë një faktor kyç për rritjen e baktereve. Ndaj, rekomandohet që t’i ndryshoni ato shpesh dhe t’i lani ato pas çdo përdorimi.
Disa veshje ‘oversized’
Nuk janë vetëm veshjet e ngushta ato që mund të jenë jo të sigurta. Pulovrat e mëdhaja dhe të rënda ndonjëherë mund të shkaktojnë siklet në qafë dhe shpinë. Mëngët e gjera mund t’ju bëjnë të mbani krahët në një pozicion jo të rehatshëm, gjë që mund të çojë në tension tek muskujt e trupit tuaj. Kur vendosni një kapuç të madh mbi kokën tuaj, ju duhet të tendoseni dhe të shtrini qafën përpara për të parë. Dhe shalli gjithashtu mund të shtrëngojë fytin tuaj në një mënyrë të pakëndshme.
Syze dielli të cilat nuk janë markë
Qëllimi kryesor i syzeve të diellit është mbrojtja e syve tuaj nga rrezet e dëmshme ultraviolet. Nëse syzet tuaja nuk kanë një etiketë që tregon se janë UV 400, ky aksesor nuk do t’ju ofrojë mbrojtjen maksimale. Mbrojtja UV nuk mund të përcaktohet nga errësira e lenteve. Syzet e zeza mund të bëjnë më shumë dëm sesa mirë dhe nëse nuk ka filtër UV, sytë tuaj mund të dëmtohen seriozisht. Rekomandohet që të blini syze dielli në dyqane të specializuara që kanë pajisje speciale – të quajtura fotometra.
Fundet e ngushta
Një grua e veshur me një fund të ngushtë duket shumë elegante, por kjo veshje e bën të vështirë të lëvizësh natyrshëm. Si rezultat, jo vetëm ecja juaj, por edhe postura juaj ndryshon, gjë që mund të çojë në dhimbje shpine. Është gjithashtu e vështirë të përkulësh gjunjët dhe të ulesh në këtë veshje, që do të thotë se muskujt e shpinës përjetojnë një tension shtesë gjatë këtyre lëvizjeve.
Fustanet apo bluzat me lidhje në qafë
Këto veshje zakonisht ushtrojnë shumë presion mbi qafën tuaj, veçanërisht nëse keni një dekolte të theksuar. Nëse një T-shirt i thjeshtë shpërndan në mënyrë të barabartë peshën mbi supe, rrobat me lidhëse çojnë të gjithë peshën në qafën tuaj. Si rezultat, ju duhet të mbani një pozicion të pakëndshëm ku koka është e përkulur përpara dhe supet janë të rrumbullakosura dhe të ulura.
