Aktorja dhe modelja e njohur Eiza Gonzalez nuk është e gatshme të flasë për jetën e saj private dhe historinë e dashurisë me dixhejin Calvin Harris, për të cilën po përflitet.
26-vjeçarja tha për “Variety Latino” se i pëlqen ta mbajë jetën e saj personale, private. Bukuroshja latine është përfolur kohët e fundit për një lidhje me dixhejin e famshëm 32-vjeçar, Harris i cili ka pak muaj që është ndarë nga këngëtarja Taylor Swift.
Aktorja e serialit “From Dusk till Dawn” citoi një kolegun e saj për të thënë se ajo preferon ta mbajë private jetën e saj personale.
“Një herë kam dëgjuar Kevin Spacey të thotë diçka që me të vërtetë përshtatej me mua. Ai tha: Nëse njerëzit dinë shumë për mua, atëherë kur të shohin rolet e mia, ata do të shohin vetëm Kevin, ndërsa unë dua që ata të shohin atë që jam duke interpretuar”.
Burimi: Daily Mail
