60 vite më parë, Europa dhe bota u ndanë për 3 dekada. Ushtria sovjetike filloi ndërtimin e murit të Berlinit mbrëmjen e 13 gushtit të vitit 1961 me qëllim pengimin e lëvizjes së çdo qytetari nga pjesa lindore në atë perëndimore të Gjermanisë.
Për shkak të kësaj ngjarje që i shkaktoi vendit shumë jetë të humbura, ambasadat gjermane në të gjithë botën kanë ulur flamurin në gjysmë shtizë në shenjë zie për të gjithë dhimbjen që i ka sjellë popullit gjerman.
Të njëjtën gjë ka bërë edhe Ambasada Gjermane në Tiranë, e cila e ka treguar këtë përmes një postimi në “Facebook”.
“Muri qëndroi për 28 vjet dhe u kthye në simbolin e Luftës së Ftohtë, e konfrontimit midis Lindjes dhe Perëndimit. Ai ndau Berlinin Lindor me atë Perëndimor, Republikën Federale me RDGJ-në, por edhe familjet dhe miqtë. Mijëra personave ju refuzua largimi nga vendi. 140 persona humën jetën në përpjekje për të kapërcyer murin për tu larguar nga RDGJ – deri në vitin 1989 kur një Revolucion Paqësor i hapi rrugën ribashkimit të gjithë Gjermanisë. Për fat të mirë, sot muri është histori!
Në simbol zie për këtë ngjarje që ndau Gjermaninë kaq gjatë, Ambasada në Tiranë, si dhe të gjitha Misionet Diplomatike gjermane në të gjithë botën kanë ulur flamujt në gjysmë shtizë.”
