Lionel Messi është një lojtar i Paris Saint-German dhe kjo gjë u konfirmua nga disa pamje të reja të Messi-t nga stadiumi Park de Prince, të cilat kanë qarkulluar nëpër media. Po ashtu, është zbuluar edhe numri që argjentinasi do të mbajë.
Në Paris, numri 30 do të jetë për Messi-n, ndryshe nga sa jemi mësuar ta shohim te Barcelona, ku ka mbajtur prej vitesh numrin 10 mbi shpinë. Në fakt, në fillimet e tij në klubin katalanas Messi ka mbajtur numrat 30 dhe 19, pasi 10-ta ishte për Ronaldinho-n. Edhe pse miku i tij Neymar i ofroi që të mbante numrin 10, siç duket argjentinasi nuk ka pranuar.
View this post on Instagram
Thuhet se 34-vjeçari do të nënshkruajë një kontratë dyvjeçare me opsionin e një të treti në PSG , ku do të ketë një pagë neto prej 35 milionë eurosh në vit.
Ai do të jetë pjesë e PSG deri në verën e vitit 2023, ndërkohë që ka klauzolë për zgjatjen e marrëveshjes edhe për një sezon tjetër.
Kujtojmë se para pak ditësh, Messi i dha lamtumirën e fundit skuadrës së Barcelonës, në të cilën nisi të luante që kur ishte ende shumë i ri. Në konferencën për shtyp ai nuk mundi t’i mbante dot lotët, teksa foli për eksperiencën e tij shumëvjeçare në këtë ekip.
“Barcelona është shtëpia jonë dhe kështu u premtova edhe fëmijëve të mi. Falenderoj të gjithë ata që na ndihmuan. Unë jam rritur me vlerat e kësaj shtëpie, duke e trajtuar veten me përulësi dhe respekt. Kështu veprova me të gjithë në këtë shtëpi dhe shpresoj që kjo të mbetet, përveç gjithçkaje që fitojmë. Kemi kaluar gjëra të vështira, por kjo na bëri të rritemi. Unë gjithmonë kam dhënë gjithçka për këtë klub, për këtë fanellë. Nga dita e parë në të fundit dhe jam më se i kënaqur. Faleminderit njerëzve për dashurinë e tyre përgjithmonë”, u
