Jim Belushi, aktori shqiptar me famë ndërkombëtare dhe partnerja e tij Jennifer Sloan, kanë vendosur t’i japin fund pas më shumë se 23 vitesh së bashku.
Këtë të premte, aktori shqiptar paraqiti kërkesën për divorc në Gjykatën Supreme në Los Angeles dhe duket se kësaj here nuk ka kthim pas.
Në tre vite, kjo është hera e dytë që ata kërkojnë të ndahen.
Hera e parë ndodhi në mars të vitit 2018, mirëpo dyshja arriti t’i zgjidhte gjërat dhe Belushi e tërhoqi asokohe kërkesën për divorc.
Jim Belushi dhe Jennifer Sloan u martuan së bashku më 2 maj të vitit 1998.
Së fundmi, nëpërmjet një statusi në Twitter, Beilushi ka kërkuar nga fansat me origjinë shqiptare që ta shpërndajnë sa më shumë, në mënyrë që të krijojë lidhje të afërta me ta.
“Nëse je shqiptar, rishpërndaje këtë, do të doja të lidhesha me më shumë vëllezër dhe motra të mia shqiptarë në këtë platformë”, ka shkruar ylli i Hollywood-it.
Kujtojmë se një foto ku Valbona Selimllari shfaqej e qeshur teksa Jim Belushi e përqafonte, qe shkasi i një legjende urbane se aktori i famshëm linte kokën pas Miss-it shqiptar.
Më herët, Valbona Selimllari tregoi tek “Xing me Ermalin” se si ishte në të vërtetë marrëdhënia e saj me Jim Belushin. Ajo zbuloi se kjo nuk ishte hera e parë që takoheshin, por pozicioni i fotos sipas saj është kapur qëllimisht prej fotografit.
“Xhimi më rrotulloi për të parë si dukesha pas kaq kohësh dhe u pengova. Fotografi është kujdesur të kapë këtë moment.”
Valbona Selimllari tregoi se në fakt, kanë qenë Vera Grabocka dhe Timo Flloko ata të cilët e kanë njohur me aktorin shqiptar të njohur në Amerikë pasi janë miq shumë të ngushtë.
Madje, Valbona kujtoi se dikur, ai ka ngrënë byrek me presh që ia ka gatuar mamaja e saj dhe ka lënë gishtërinjtë.
