Ish-kapiteni i Kombëtares së Futbollit, Lorik Cana ka marrë një gjobë në mes të Tiranës, pasi kishte parkuar në një vend të gabuar.
Ka qenë një police femër ajo që e ka penalizuar Canën, i cili në momentin e gjobitjes ka qenë edhe bashkëshortja e fëmija i tyre i vogël.
Cana e kishte lënë ”Range Rover”-in e tij me bllokazh ndezur, teksa po blinte te dyqani pranë rrugës. Të pranishmit kanë nxituar menjëherë për të paralajmëruar ish-kapitenin e futbollit, me idenë që po e ndihmonin por kanë marrë prej tij përgjigjen që s’pritej.
“Ani nasht, le t’vejn ç’ka t’dun. Keq e kom lan e me këtë rast po e ndihmojmë edhe shtetin shqiptar me para”, është përgjigjur Cana duke vijuar blerjet pa u shqetësuar aspak.
Me sa duket, një gjobë e tillë nuk përbën problem për kapitenin, llogaria bankare e së cilit nuk ka qenë aspak keq gjatë kohëve të fundit.
