Ish-partneri i Jennifer Lopez, Sean “Diddy” i surprizoi të gjithë në muajin maj teksa publikoi një foto të tij nga koha kur ishte në lidhje me artisten e famshme.
“#tbt”, shkroi 51-vjeçari, në foton e vitit 2000, ku shfaqej duke shtrënguar duart me Lopez.
Ky postim i tij i habiti të gjithë, sepse asokohe Jennifre përflitej se ishte rikthyer me Ben Affleck. Shumë e përkthyen këtë postim të reperit si një mesazh se ai do të luftonte me Ben Affleck për të fituar zemrën e J.Lo.
Por duket se në të vërtetë Sean “Diddy” nuk ka pasur këtë qëllim. Ai ka folur për herë të parë për këtë foto gjatë një interviste për “Vanity Fair”. Reperi i hitit “Coming Home” është shprehur se ajo foto ishte thjesht “një rikthim në kohën më të bukur në jetën e tij”.
Gjithashtu ai ka theksuar se fansat nuk duhet të presin kurrë për një rikthim mes tij dhe J.Lo.
“Nuk kishte asnjë mesazh të fshehtë. Ajo është thjesht mikja ime. Dhe unë nuk kam asgjë për të thënë për marrëdhënien dhe jetën e saj”, është shprehur reperi.
Ndërkohë kujtojmë se disa javë më parë, me rastin e ditëlindjes së saj, jennifer Lopez konfirmoi pas shumë thashethemesh se është rikthyer me Ben Affleck. Ajo publikoi në instgram një foto duke shkëmbyer një puthje në buzë me partnerin e saj.
