“Apple” prezantoi dje modelin më të ri të smartfonëve të tij, “iPhone 7”. Produkti më i ri i gjigantit të themeluar nga Steve Jobs ka kufje që funksionojnë me wireless, bateri më jetëgjatë dhe kamera të dyfishtë.
Tim Cook prezantoi modelin më të ri duke thënë se “iPhone është tashmë një fenomen kulturor”. “Kemi shitur deri tani mbi një miliard copë. Kjo e ka bërë atë produktin më të shitur në historinë e njerëzimit”.
“iPhone 7” është rezistent ndaj ujit dhe pluhurit. Kufjet janë pa tela, pasi funksionojnë me wireless. Kamera është përmirësuar në cilësi dhe lentet janë të përmasave më të mëdha. Ajo krijon efektin “thellësi” në foto, duke të dhënë mundësinë të nxjerrësh në pah një element.
Ekrani ka 25 % më shumë dritë. Në website-n e kompanisë thuhet se shitjet në SHBA do të fillojnë nga data 9 shtator dhe çmimi për iPhone 7 është 649 dollarë ndërsa për iPhone 7 plus 769 dollarë. Çmimet për Evropën nuk janë konfirmuar ende.
Tim Cook prezantoi edhe orat e “Apple” Serinë e dytë, e cila ashtu si iPhone 7, do të jetë rezistente ndaj ujit.
*Shfleto galerinë
