Flakët pushtojnë vendin! Temperaturat e larta riaktivizojnë vatrat e zjarrit

Gjatë ditëve të fundit, zjarret kanë “pushtuar” vendin duke bërë që të krijohet një situatë aspak e zakontë dhe alarmante.

Flakët kanë përfshirë shumë zona në vend, si Llogaranë, Ksamilin, Orikumin, Patosin, Radhimën, Dukatin, Karaburunin.

Lexo edhe :

Përballje mes Edit dhe Dolces pas deklaratave në Itali, i japin fund lidhjes?

23:44 15/12/25

Rrëfimi i trishtë i Shkurtës për aktivitetin human: Tentuan të me keqpërdorin seksualisht

23:16 15/12/25

Në operacione për shuarjen e zjarreve janë angazhuar 84 punonjës zjarrfikës, 17 automjete zjarrfikëse,60 forca ushtarake, rreth 60 punonjës të Pyjores e të bashkive dhe vullnetarë, të mbështetur edhe nga helikopterë.

Për shkak të temperaturave të të nxehtit afrikan që pritet të pushtojnë vendin këtë javë, në këtë situatë ministria ka kërkuar nga strukturat e gjendjes civile që të jenë në gatishmëri, me prezencë të shtuar në zonat ku ka rrezik më të lartë.

Ndërkaq sipas informacioneve të marra nga IGJEUM mbi kushtet e motit gjatë ditëve në vijim, temperaturat në vendin tonë do të jenë relativisht të larta deri në 41°C. Kërkohet nga strukturat e mbrojtjes civile të vijojnë të jenë në gatishmërinë të plotë për menaxhimin e situatave të shkaktuara nga zjarri.

Ndërkohë situata në vend është alarmante dhe nuk po menaxhohet si duhet nga autoritetet përgjegjëse.

Në një intervistë për Report Tv, ish-drejtori i Përgjithshëm i Forcave Zjarrfikësve, Dilaver Laçi, është shprehur se Emergjenca Civile duhet të ngrenë në ajër helikopterët për të shuar flakët.

“Situata e temperaturave të larta do të sillte zjarre patjetër. Gjendja e tanishme është me të vërtetë shumë alarmante. Gjithë zona bregdetare ku dhe turizmi ka marrë vëmendje është totalisht e pamenaxhuar. Zjarret në të gjithë bregdetin janë të pamenaxhuara. Janë djegur qindra hektarë shkurre e pyje të cilat kanë dalë jashtë kontrollit. Nga qendra e menaxhimit të zjarreve në Gjermani thuhet se kemi mbi 80 vatra zjarri në vend.

Duhet të menaxhohen zjarret. Qendra e Emergjencës Civile është totalisht jashtë kësaj situate. Fakti që sot nuk ka asnjë helikopter në fluturim dhe nuk përmendte asnjë dëm në pyje, janë 18 zjarre aktive në zonat malore. Unë nuk di pse helikopterët nuk ngrihen sot në fluturim për tu përshtatur për shuarjen e zjarreve. Vitet e tjera kemi marrë edhe helikopterë me pagesë dhe do të ishte e arsyeshme të ishin marrë që të shuanin zjarret. Zjarret në bregdetare janë shumë aktive. Duhet të ishte ngritur helikpoteri çdo minutë që vonohet është në rrezik për ekonominë.”- tha Laçi.

Etiketa: zjarre