Një detektiv nga Florida, Mike Blair, ka bërë një gjest shumë fisnik duke adoptuar një djalë, i cili mbeti jetim nga një krim brenda familjes. Në mars të 2018-s, babai i tij, vrau bashkëshorten, vajzën me aftësi të veçanta dhe plagosi rëndë djalin.
Burri u dënua më vonë për dy akuza, për vrasje të shkallës së parë dhe vrasje të mbetur në tentativë. Para se Blair të arrinte në vendin e ngjarjes, Barron dhe vajza e saj kishin ndërruar jetë. Djali i mbijetuar i quajtur Ronnie, u dërgua në spital në gjendje kritike për jetën për shkak të disa plagëve të shkaktuara nga goditjet me thikë dhe disa të djegura në trup.
“Na thanë se ishte një fëmijë që po dërgohej në spital, por që me shumë siguri nuk do të mbijetonte”, ka treguar detektivi Mike Blair.
Por fatmirësisht djaloshi mbijetoi dhe Blair u takua disa javë më vonë me të në spital.
“Ai më kapi dorën kur u largova dhe më tha ‘Mund të shikojmë një film bashkë?’. I thashë ‘jo, nuk mundem. Duhet të rikthehem në punë… Por si thua sikur ta shikojmë filmin në darkë pasi të kthehem tek ti?’”, ka rikujtuar Blair.
Ai ka shtuar se atë mbrëmje kishte rezervuar një takim romantik me bashkëshorten, kështu që i kërkoi asaj të kalonin mbrëmjen në spital bashkë me një fëmijë që po shërohej.
“Unë tashmë e kisha kuptuar se doja të merrja Ronnie në shtëpi me ne, duke filluar nga ajo mbrëmje”, ka treguar bashkëshortja e Blair.
5 muaj më vonë, kur erdhi koha për të kërkuar një shtëpi adoptuese për Ronnie, familja Blair doli vullnetare. Blair, i cili ka 6 fëmijë të tij, ka ndarë për herë të parë këtë histori përmes një videoje.
“Ai e di që ka një histori që është shkruar për të. Gjithashtu ai nuk dëshiron që të përcaktohet nga kjo histori”, është shprehur Blair.
Ndërsa djaloshi, i cili ishte vetëm 8 vjeç kur ndodhi ngjarja tragjike, ka treguar se tashmë ndihet shumë i lumtur dhe ka gjetur shumë dashuri në familjen e re.
