Rita Ora dhe Taika Waitit tashmë shfaqen kudo bashkë si çift. Së fundmi ata kanë qenë bashkë në festën e 48-vjetorit të lindjes së aktores Kate Beckinsale. Në fotot e festës, Rita dheTaika shihen shumë të afërt me njëri-tjetrin, teksa pozojnë përkrah miqve të tjerë të njohur.
Rita dhe Taika ishin veshur në festë thuajse njësoj, me veshje të zezë nga koka tek këmbët.
Kujtojmë se dyshja përfliten prej kohësh për një lidhje mes tyre. Fillimisht ishte Rita ajo që nxiti thashethemet për marrëdhënie, pasi publikoi në rrjete sociale një foto me regjisorin. Të dy ata dukeshin shumë të afërt me njëri-tjetrin, teksa Taika i kishte hedhur duart në qafë Ritës. Madje të dy ishin veshur gati njësoj me rroba nga marka e famshme “Gucci”.
Më pas, artistja shqiptare u fotografua teksa drekonte bashkë me regjisorin dhe personazhe të tjerë të famshëm në Sydney.
Më vonë në muajin maj Taika dhe Rita bënë xhiron e mediave pasi u “kapën mat” duke shkëmbyer puthje me një person të tretë. Pas publikimit të imazheve u mësua se bëhej fjalë për aktoren, Tessa Thompson. Këto foto u shpërndanë kudo në rrjet për disa ditë dhe personazhet morën kritika të shumta. Mirëpo në një deklaratë, Taika u shpreh shumë i qetë dhe tha se nuk po bënte asgjë të gabuar.
“Në botën e internetit çdo gjë merret vesh shpejt. Gjithsesi, unë s’po bëja asgjë gabim. Nuk ka kurrfarë problemi”, tha ai.
