Lart e poshtë po flitej se këngëtarja shqiptare me famë botërore, Dua Lipa, ka mbërritur në Tiranë pa bërë asnjë njoftim në rrjete sociale.
Qytetarët e kanë parë këngëtaren së bashku me të dashurin e saj, Anwar Hadid, teksa lëviznin në ambiente të ndryshme të qendrës tregtare “Toptani”.
Madje, në llogarinë e saj në Instagram, Dua ndau me fansat një foto që linte shumë vend për të dyshuar, pasi emojit e vendosura ishin ato që shqiptarët bëjnë me dy duar për simbolin e shqiponjës dykrenare.
View this post on Instagram
Këto zëra i ka konfirmuar kryeministri Rama, i cili ka ndarë në llogarinë e tij në Instagramm një foto me Duan, teksa shkruan:
“DUA LIPA që ka kapur qiellin e botës muzikore s’ka nevojë për asnjë koment, ndërsa një koment për Duan që pata kënaqësinë të njoh, unë dua ta ndaj me ju.
Uroj që ajo të rrojë e të mbretërojë 100 vjet në fronin ku është ulur, po brenda meje mbeti gjurma e vajzës së mençur, të edukuar e modeste si të ishte askushi, e cila është me siguri krenaria e lumturia e prindërve dhe krejt familjes së saj, pikërisht sepse çka i takon botës nga ylli i muzikës, nuk ka prekur asnjë fije atë çka u takon atyre nga vajza e tyre. Çfarë çike❤️”
View this post on Instagram
Po ashtu, Dua dhe familja e saj kanë takuar kryebashkiakun Veliaj, i cili i dhuroi asaj një targë simbolike “Dua 100”, kapelen e gruas ‘tironse’, si dhe diskun muzikor me këngë popullore të Shqipërisë së mesme, realizuar në 100-vjetorin e Tiranës kryeqytet, “Tirana 100”.
View this post on Instagram
Pritet që sot këngëtarja shqiptare të zhvillojë një konferencë për shtyp para gazetarëve, ndërsa jemi të gjithë sy e veshë për të mësuar më shumë.
Lipa vazhdon të jetë një nga artiset “on top” të industrisë muzikore. Këngët e albumit të saj kanë rezultuar një sukses i vërtetë.
Arritjet për këngëtaren shqiptare nuk kanë të ndalur pasi “Future Nostalgia” është bërë albumi i parë i një artisteje femër që për gjashtë muaj me radhë qëndron pjesë e klasifikimit në top listën e njohur botërore, Billboard 200, në top 10-shen e më të mirave.
“’Future Nostalgia’ nga Dua Lipa është albumi i parë nga një artiste femër që kaloi gjashtë muaj në top 10-shen e më të mirave në ‘Billboard 200’ këtë dekadë. Urime Dua Lipa”, shkroi Mike Adam në statusin e tij.
