Moderator i njohur i emisionit investigativ “Fiks Fare”, Dorian Ramaliu, ka zbuluar para disa ditësh se shumë shpejt do të bëhet baba për herë të parë. Ai ka ndarë lajmin e bukur përmes një postimi në rrjete sociale. Si rrallëherë Dori ka pozuar përkrah partneres së tij, Ivës, e cila shfaqet me barkun e rrumbullakosur.
Siç duket çifti ka pritur gjatë për të ndarë këtë lajm me publikun, duke qenë se Iva duhet të jetë drejt fundit të pritjes së ëmbël.
Së fundmi ata kanë qenë të ftuar në programin veror “Pushime on Top”, në Top Channel, ku vendosën ta tregojnë publikisht gjininë e bebit:
“Me thënë të drejtën, edhe unë, edhe Iva kemi qejf për vajzë. Unë e di gjininë e bebit, por kemi qejf shumë për vajzë…
Edhe pse kishin dëshirë që të bëheshin prindër të një vajze, dy prindërit në pritje janë njëlloj të lumtur edhe për djalë, por për emrin ende nuk kanë vendosur. Siç tha Dori, emrin nuk e kanë gjetur ende, ndaj “kërkojmë ndihmën tuaj”, tha Dori.
View this post on Instagram
Dyshja kanë disa kohë që po jetojnë një histori të bukur dashurie, të cilën vendosën që në fillim të këtij viti, në datë 1 janar, ta kurorëzonin me martesë. Në ditën e celebrimeve vetë moderatori dhe aktori publikoi një foto për të dhënë lajmin.
