Brooklyn Beckham dhe e fejuara e tij, Nicola Peltz, janë gati për të nisur një jetë të re si çift pasi tashmë kanë folenë e tyre të dashurisë. Së fundmi, është mësuar se dyshja e famshme kanë blerë një shtëpi shumë të bukur në zemër të Los Angeles.
Djali më i madh i David dhe Victoria Beckham, që është vetëm 22 vjeç dhe partnerja e tij, kanë blerë një rezidencë në Beverly Hills për një shumë marramendëse prej jo më pak se 10.5 milionë dollarësh. Thuhet se ky çmim ishte një milionë më i lartë se sa çmimi i kërkuar për atë vend, gjë që tregon se çifti e ka dashur vërtetë shumë këtë shtëpi.
Rezidenca është dykatëshe, ka 5 dhoma gjumi dhe në çdo aspekt është mjaft moderne dhe e kuruar në detaje, ndaj gjithçka e justifikon çmimin e shtrenjtë të saj.
Përveç numrit të madh të dritareve që rrethojnë shtëpinë, gjë që ndikon në ndriçimin natyral të saj, ka shumë detaje të tjera që e bëjnë këtë rezidencë akoma dhe më luksoze. Brenda saj ka një dhomë private për yoga ose palestër, një sauna, një dhomë avulli, një bar për lëngje dhe një pishinë.
Shtëpia e tyre është e vendousr në zonën më të mirë të L.A dhe me siguri do i shërbejë shumë çiftit edhe për të ardhmen, duke qenë se marrëdhënia mes tyre duket mjaft serioze.
