Ed Sheeran dhe bashkëshortja e tij, Cherry Seaborn janë bërë para pak muajsh prindër të një vajze, të cilën e kanë pagëzuar me emrin Lyra Antarctica. Lajmin e ardhjes në jetë të vogëlushes e dha vetë Ed Sheeran asokohe, por një javë pas lindjes së saj.
“Përshëndetje! Një mesazh i shpejtë prej meje, sepse kam për të dhënë disa lajme private që doja t’i ndaja me ju… Javën e shkuar, me ndihmën e një skuadre të mrekullueshme, Cherry lindi vajzën tonë të bukur dhe të shëndetshme Lyra Antarctica Seaborn Sheeran”, shkroi këngëtari në rrjete sociale.
Së fundmi, artisti ka deklaruar se atësia ia ka ndryshuar jetën totalisht. Sipas tij, qëkur është bërë babi, ai është bërë një njeri krejt tjetër.
“Jeta ime ka ndryshuar komplet. Tani, në vend se të shkojë në shtrat në ora 6:00, tani po zgjohem në ora 6:00 ose ndoshta edhe më herët se aq”, ka deklaruar Sheeran.
Ndërkohë së fundmi artisti ka performuar një këngë për të bijën në Melburn, diçka që e ka emocionuar shumë. Ai nuk mundi të mbante dot lotët dhe për një moment u detyrua të ndërpriste performancën për shkak të emocioneve të mëdha. Më pas Ed Sheeran u afrua prapë tek mikrofoni dhe kërkoi falje për ndërprerjen.
