9 shtator
KONCERT, Bebe Rexha dhe Fatboy Slim, Tiranë
Telekom Electronic Beats do të shkundë Tiranën!! Në 9 Shtator bëhuni gati për një natë të papërsëritshme me 3 super artistë.
Ikona Fatboy Slim do të sjellë beats e tij legjendare. Bebe Rexha, këngëtarja dhe kantautorja me origjinë shqiptare e cila është bërë tashmë një fenomen ndërkombëtar do të performojë për here të parë në trojet Shqiptare. Dyshja britanike HONNE do të plotësojnë natën me stilin e tyre të veçantë të elektro-soul.
Hyrja është falas për të gjithë!
10-12 shtator
FESTIVAL Kaba 2.0 , Korçë
Më 10, 11 dhe 12 shtator ne Pazarin e Korçës një takim i paharrueshëm i kulturës dhe trashëgimisë sonë shpirtërore me te mirën e muzikës globale…. Kaba, Polifoni, Jazz, Rock, Elektronike, Bashkëkohore.
Edicioni i pare i Festivalit Kaba 2.0 do te jete një përvoje artistike e klasit të parë. Për herë të parë në Shqipëri i ftuar special ylli i muzikës bashkëkohore, kantautori italian VINICIO CAPOSSELA & Band.
3 – 10 shtator 2016
Ekspozitë për Nënë Terezën, Tiranë-Biblioteka Kombëtare
Biblioteka Kombëtare, në nderim të figurës së shquar të nënë Terezës dhe shenjtërimit të saj, fton publikun e kryeqytetit të vizitojë në datat 3-10 shtator ekspozitën “homazh” kushtuar Nobelistes së paqes përmes titujve dhe veprave që kanë në fokus jetën frymëzuese dhe veprimtarinë e saj shembullore.
Nga lutjet dhe poezitë e shkruara prej vetë shenjtores te poezitë që ajo u frymëzoi poetëve shqiptarë, nga albumet mbresëlënëse të artistëve te monografitë studimore, intervistat, jetëshkrimet e deri dhe bibliografitë për të, kjo ekspozitë sjell në trajtë simbolike marrëdhënien e privilegjuar që vetë Shqipëria dhe shqiptarët, për të cilët lutjet ajo nuk i rreshti kurrë, kanë ngjizur tashmë me Nënën e tyre të shenjtë, plot krenari e përkushtim.
Përmes një bashkëpunimi përherë të suksesshëm me Muzeun Historik Kombëtar dhe Ministrinë e Kulturës, në këtë ekspozitë do të ekspozohen edhe disa nga objektet personale të Nënë Terezës, si kryqi, rruzarja dhe peshqiri i saj, sot pronë e MHK.
