Meghan Marke ka dhënë së fundmi një intervistë për “NPR Weekend Edition”, ku foli për librin e saj “The Bench”, që është inspiruar nga një poemë që ajo i shkoi bashkëshortin princit Harry.
Gjatë bisedës, dukesha tregoi se i bëri Harry-t dhuratë një stol, ku ai të mund të qëndronte me vogëlushin e tyre dhe kjo është arsyeja pse libri mban titullin “The Bench”
“Ndonjëherë mendoj, sidomos gjatë vitit që shkoi, se shumë gjëra ndodhin në qetësi. Kur shihja bashkëshortin tim duke mbajtur në krahë djalin, duke e vënë në gjumë…këto janë gjëra që i kam futur në poemë. Rritesh me dikë dhe krijon një lidhje të thellë , që ndonjeherë shkon mirë e ndonjëherë keq. Çdo fëmijë ose çdo familje mund ta lexojë këtë libër dhe të gjejë veten, në çfarëdo lloj origjine apo feje. Shpresoj që njerëzit ta shikojnë këtë si një histori dashurie që përçon historinë e familjes sime”, tha Meghan.
Kujtojmë se para disa ditësh, Meghan Markle dhe Princ Harry dhanë lajmin se ishin bërë prindër për herë të dytë. Dyshja u bekuan me një vajzë, të cilës i vendosën emrin Lilibert Diana Mountbatten-Windsor.
Emri ‘Lilibet’ u zgjodh në nder të stërgjyshes së saj, Mbretëreshës Elizabeth, të cilën e thërrisnin kështu me përkëdheli në rininë e saj. Diana, në nder të gjyshes së saj të ndjerë, princeshës së Uellsit. Ata do ta thërrasin të voglën ‘Lili’.
