Ditën e djeshme Kanye West festoi ditëlindjen dhe mes mesazheve të urimit nuk mungoi as ai i Khloe Kardashian. Ky veprim i yllit të televizionit i habiti të gjithë, madje edhe fotografia që ajo përzgjodhi për ta uruar.
Khloe postoi në Instagram një foto, në të cilën shihet përkrah Kim, Kanye-s dhe partnerit të saj, Tristan Thompson. Kim Kardashian i ka ndarë përfundimisht rrugët me Kanye dhe po ashtu edhe Khloe përflitet se është ndarë nga Tristan. Nga ana tjetër, në urimin e saj të ditëlindjes, Khloe e cilëson Kanye West “vëllai im përjetë”.
“Gëzuar ditëlindjen vëllai im përjetë!!! Paç ditëlindjen më të bukur Ye! Të dërgoj shumë dashuri dhe pafund bekime!!”, shkroi Khloe në urimin e saj në Instagram.
View this post on Instagram
Më pas ndjekësit vunë re se Kim Kardashian komentoi menjëherë pas postimit të Khloe-s. Ajo la vetëm një tullumbace të kuqe në koment, duke nënkuptuar se është ndjerë mirë nga ky urim. Mirëpo ky veprim nuk është pritur mirë nga shumë fansa të familjes Kardashian dhe të reperit të famshëm.
“Më vjen keq Kim. Kjo ‘vëllai im përjetë’ më duket shumë e parëndësishme. Lidhja juaj si motra duhet të jetë shumë më e fortë se ndjenja për ta thënë këtë gjë. Divorci ishte shumë i vështirë për ty dhe fotografia është shumë e papërshtatshme. Ka shumë foto të tjera. Kjo nuk ishte gjë e bukur, por më vjen mirë që pas gjithë këtyre ti vazhdon ende të jesh e fortë”, komentoi një ndjekëse poshtë komentit të Kim.
Këto fjalë duket se e kanë mërzitur shumë Khloe-n dhe ajo i është kthyer ashpër ndjekëses.
“Pse komenton për diçka që nuk di asgjë? A nuk mendon se unë dhe motrat e mia flasim për ndjenjat e njëra-tjetrës? Ne jemi me njëra-tjetrën çdo ditë. Kjo është familja ime. Jo e jotja! Mos komento sikur di çdo gjë veçse nëse di çdo gjë. Njeri i çuditshëm!”, i është përgjigjur Khloe ndjekëses.
