Krid Doda është vogëlushi më i ri që i është shtuar listës së bebushave të njohur të Instagramit. Me rastin e 1 qershorit, mami Klea ka hapur një llogari në këtë rrjet social me emrin e të voglit. Ajo ka ndarë në Instagram një foto me vogëlushin në krah, ku Krid shfaqet në profil.
“Krid Doda gëzuar 1 qershorin jeta e mamit! Gëzuar të gjithë fëmijëve”, ka shkruar Klea përkrah fotos.
Ndërsa në në profilin e Krid thuhet se llogaria menaxhohet nga mami, babi, xhaxhai dhe tezet e tij.
Kujtojmë se i vogli i Klea Hutës dhe Elgit Dodës erdhi në jetë në 4 qershor të vitit të shkuar dhe për pak ditë do të festojë 1-vjetorin e lindjes. E ftuar disa ditë më parë në emisionin “Në Kurthin e Piter Pan”, Klea Huta zbuloi se emrin Krid e kishte dëgjuar në një film dhe menjëherë kishte vendosur që ky do të ishte emri i vogëlushit të tyre.
“Kur unë isha shtatzënë po shikoja një film me Elgitin dhe po haja një mollë. Në atë kohë po kërkonim për emra për djalin dhe nuk po dinim kë të zgjidhnin. Shiko këtej shiko andej, nuk po na ngjiste asnjë emër. Edhe kështu ne po shikonim një film, ai djali personazhi kryesor e kishte Krid dhe unë thashë “Eureka””, tregoi Huta.
