Tristan Thompson ka qenë në qendër të vëmendjes mediatike ditët e fundit për shkak të një tjetër tradhtie të mundshme ndaj Khloe Kardashian.
Së fundmi, një vajzë e quajtur, Kimberly Alexander po pretendon se basketbollisti ka kaluar kohë me të edhe pse u bashkua sërish me Khloe. Ajo ndau në rrjetet sociale një imazh, ku vihet re se Kardashian i ka shkruar asaj në “Instagram”.
Ndërkohë, një burim afër yllit të “KUWTK” ka thënë se fotoja është e modifikuar, pasi kjo e fundit nuk i ka shkruar në rrjete sociale.
“Ajo e ka bërë sikur Khloe i ka shkruar, por ajo asnjëherë nuk e ka bërë këtë gjë”, thuhej nga burimi.
Mesa duket akuzat për tradhti ndaj Khloe nuk kanë të sosur pasi ditë më parë një 23-vjeçare e quajtur, Sydney Chase, pretendon se ka shkuar me Tristan Thompson dhe se për herë të fundit ka kontaktuar me futbollistin pas 3-vjetorit të vajzës së tij, True.
23-vjeçarja ka shpjeguar situatën me detaje në një video të publikuar në TikTok. Ajo ka treguar se ka pasur një lidhje të shkurtër me Tristan në muajin janar, pasi basketbollisti i kishte thënë se ishte beqar. Si fillim ajo foli në lidhje me këtë çështje në një intervistë.
Sydney zbuloi po ashtu edhe mesazhet që Tristan i ka dërguar në rrjete sociale. Gjatë një videoje live të regjistruar nga mikesha e Sydney, kjo e fundit ka treguar me zë të lartë mesazhet intime që basketbollisti i ka dërguar, duke i kërkuar edhe foto të trupit.
