Eva Murati është një ndër emrat më të dashur të televizionit shqiptar, e cila në kaq vite s’iu mërzit asnjëherë ekranit dhe e shohim po me aq kënaqësi, sa herën e parë kur na u prezantua.
Na pëlqen ta quajmë goca e sukseseve, e cila po i hedh njëri pas tjetrit hapat e mëdhenj të karrierës së saj dhe po na nderon edhe jashtë vendit.
Po ashtu, edhe motra e saj, Dorisi nuk mbetet pas për nga bukuria. Pavarësisht pamjes që do të ndihmonte shumë nëse do të zgjidhte të ndiqte rrugën e së motrës, ajo ka marrë një drejtim krejt tjetër.
Së fundmi Eva rrëfeu për “Living” se e motra po vazhdon mjekësinë, një profesion të cilin prindërit e kishin ëndërruar për vetë moderatoren.
“Ajo angazhohet shpeshherë në projekte në rrjete sociale, si blogere me reklama të ndryshme, por nuk e ka shprehur kurrë dëshirën për televizion. Dorisi po vazhdon e sigurt rrugën që prindërit kishin dëshiruar për mua, të bëhesha mjeke, si babi. Pavarësisht nga notat e mira në gjimnaz, e ndjeva që ky profesion me të cilin isha rritur që në fëmi – jëri si profesioni më i mirë dhe më i nderuar, nuk ishte e ardhm – ja ime. Çdo njeri e ndjen thirrjen e vet në jetë dhe mjekësia nuk ishte imja!”– u shpreh Eva.
