Alban Skënderaj është një prej artistëve shqiptarë që përgjatë këtyre viteve na ka falur art të pastër e muzikë shpirti, duke rrëmbyer kështu zemrat e të gjithë shqiptarëve.
Në 2013-tën, ai lancoi këngën e tij “Vetëm ty”, e cila erdhi pa videoklip por që është një ndër këngët që i ka rezistuar viteve. Kjo këngë numëron më shumë se 11 milionë klikime, dhe së fundmi Alban dha një lajm të mirë për të gjithë fansat e kësaj kënge. Ai njoftoi se më 21 maj, do të lancohet versioni remix i këngës i punuar nga Avaxus dhe në mezi po presim.
Gjatë 2020-ës ai nuk ishte shumë aktiv me projekte muzikore, sikundër jemi mësuar ne me të. E padyshim mungesa e Albanit është ndjerë më shumë se mungesa e kujtdo. Megjithatë, këtë vit artisti u rikthye fuqishëm dhe vetëm pak ditë më parë ka lançuar këngën e tij më të re.
“Zjarr në shpirt” titullohet projekti i tij i ri dhe të themi të drejtën, na kishin munguar kaq shumë këto balada.
Më herët, teksa ishte e ftuar në “E diell”, partnerja e tij Miriam Cani rrëfeu për Albanin:
“Albani është realisht shumë i përfshirë, është baba i jashtëzakonshëm, duke menduar profesionin që ka. Albani është një artist i jashtëzakonshëm dhe prapë i dedikohet shumë familjes. Mundohet të gjejë atë hapsirën e vetë që e ruan në mënyrë fanatike, pjesën artistike për të krijuar, sepse normalisht artisti duhet të ketë ambientin e duhur për të krijuar, duhet të frymëzohet për të krijuar vepra që të kenë peshë. Dhe normalisht kur bëhesh me fëmijë gjithçka bëhet më e zhurmshme dhe të merr shumë kohë, por prapë ja del në mënyrën më perfekte. Edhe pse nuk ja them vetë këtë gjë, po ja them këtu para të gjithëve që është një baba i jashtëzakonshëm dhe një partner që i jam shumë mirënjohës që e kam në jetën time se e menaxhon në mënyrë perfekte karrierën dhe familjen. Fëmijët janë realisht me fat që e kanë”, tha Cani.
