Një shpërthim i fuqishëm tronditi disa minuta më parë kryeqytetin. Banorët e Tiranës janë bërë dëshmitarë të një shpërthimi të fuqishëm që shkundi qytetin. Shpërthimi i cili ende nuk dihet se nga ka ardhur është raportuar në policin nga qytetarët. Ndërkohë që policia ende nuk ka një informacion zyrtar lidhur me këtë ngjarje misterioze.
Deri më tani nuk dihet se çfarë ka ndodhur. Burime bëjnë me dije se policia është vënë në lëvizje dhe po kërkon burimin e shpërthimit, i cili është ndjerë në të gjithë qytetin. Pas shpërthimit një numër i madh qytetarësh kanë telefonuar policinë e Shtetit, ndërsa një numër i madh qytetarësh kanë zgjedhur rrjetet sociale. Madje disa prej tyre e kanë shkruar se shpërthimi i fuqishëm iu rikujton shpërthimin e ndodhur në Gërdec, i cili sipas tyre ishte i ngjashëm me atë që kanë dëgjuar sot.
Ndërkohë që gazetarja Alice Taylor në rrjetet sociale shkruan: Jam edhe në rrugën e Elbasanit, shumë zhurmë dhe të gjitha dritaret dhe dyert u drodhën. Mendoj se ishte një tërmet për një sekondë, por ishte shumë i shpejtë. Goditje dhe pastaj lëkundje menjëherë pas.
Ndërsa disa qytetarë të tjerë e kanë lidhur zhurmën e fuqishme që tronditi kryeqytetin me stërviten “Europe Defender21”.
Megjithatë këto janë veç aludime pasi nuk kemi një informacion zyrtar nga organet kompetente.
/gazeta.reforma
