Genta Ismajli ka 2 vite që po jeton një histori të bukur dashurie me biznesmenin turk, Usta. Pasi lidhja e tyre u bë publike ata kanë qenë të pandarë nga njëri-tjetri dhe herë pas here nuk mungojnë dedikimet romantike në rrjete sociale.
Usta nuk lë rast pa treguar dashurinë e madhe ndaj këngëtares dhe një partner si ai do të ishte perfekt për çdo vajzë. Ai nuk ka pritur kurrë raste speciale për të shprehur gjithë dashurinë për Gentën siç ka bërë dhe së fundmi. Usta ka publikuar në Instagram një foto të këngëtares dhe ka shkruar fjalët më të ëmbla për të.
“Ti je dielli im, yjet e mi, qielli im… Ti je personi i vetëm që dua vërtetë. Nuk kam nevojë për askënd përveç teje! Kam nevojë vetëm për sytë e tu dhe buzëqeshjen tënde e dashur!”, shkruan Usta.
Kohët e fundit çifti janë përfolur shumë për marrëdhënien e tyre dhe lart e poshtë është thënë se ata mund të bëhen prindër për herë të parë. Mirëpo Genta i hodhi poshtë këto dyshime teksa ishte e ftuar për një intervistë tek emisioni “Rudina”. Këngëtarja tha se lajmet për shtatzëni nuk janë të vërteta dhe aktualisht çifti janë duke shijuar dashurinë e tyre.
Sa i përket planeve për martesë, ajo u shpreh:
“Në fakt unë dhe Usta kemi një mal të planeve dhe projekteve, por edhe martesës do i vijë radha, nuk më ka propozuar akoma, por do i vijë radha dhe asaj se shpejti”.
