Aktorja e njohur, Gal Gadot ka hedhur akuza të forta ndaj regjisorit Joss Whedon. Në një intervistë të fundit, ajo është shprehur se regjisori, me të cilin ka punuar për filmin “Justice League”, e ka kërcënuar se do t’i shkatërronte karrierën nëse do të fliste publikisht kundër tij.
“Ai kërcënoi karrierën time dhe tha nëse bëja diçka, do ta bënte karrierën time të mjerueshme”, pretendoi Gadot për “N12”.
Po ashtu edhe aktori Ray Fisher akuzoi kohë më parë regjisorin për sjellje abuzive, joprofesionale dhe plotësisht të papranueshme.
Kujtojmë se aktorja e famshme për rolin e saj si “Wonder Woman”, Gal Gadot është në pritje të fëmijës së tretë. Këtë lajm e dha ajo vetë pak muaj më parë teksa pozoi me bashkëshortin dhe dy vajzat. Të gjithë kishin vendosur dorën mbi barkun e rrumbullakosur të aktores dhe dukeshin tepër të lumtur, ndërsa ndjekësit u bënë kuriozë për gjininë e bebushit.
“Bebi numër 3 është një vajzë. Po, ne po i përmbahemi asaj që dimë”, tha Gal Gadot.
Por gjininë ajo e ka zbuluar para pak kohësh, gjatë një interviste. Teksa ishte e ftuar në “Live me Kelly dhe Ryan”, Gadot tha se është sërish në pritje të një vajze. Yaron dhe Gal kanë edhe dy vajza të tjera: Alma, 9 vjeç dhe Maya, 3.
