Si gjestin më të bukur të dashurisë për të voglën e tij që i ka ndryshuar jetën, Ledri Vula gdhendi tatuazh në lëkurë emrin e Poem Blu.
Reperi ndau në llogarinë e tij në Instagram foto e video të tatuazhit, shoqëruar me një “firmë” të të voglës, të cilës i ngjyen gishtat në bojën blu. Kështu, Poem e “shkroi” vetë Blu-në në lëkurën e babit, pas emrit Poem.
Fansa të tatuazheve ose jo, të gjithë e kanë pëlqyer këtë ‘vepër’ të Ledrit, që do ta mbajë përjetë në trupin e tij.
View this post on Instagram
Nëse ju kanë munguar hitet e verës, Ledri ka punuar fort për ta sjellë një të tillë. Ai xhiroi një videoklip në Dubai, ku sigurisht mori me vete edhe Sarën me Poem Blu.
Të gjithë po presim me padurim të dëgjojmë këngë të reja nga Ledri, duke qenë se na mungojnë projektet e tij ritmike të verës. Kujtojmë se para disa ditësh u përfol se Ledri mund të vijë në një bashkëpunim me Morena Tarakun. Shkak për dyshim u bë një koment, që reperi la në një foto të Morenës.
Këngëtarja publikoi në Instagram, një foto nga Dubai dhe krahas saj shkroi:
‘Kush e di?!!’
Menjëherë të gjithë vunë re komentin e Ledrit, i cili ju përgjigj pyetjes së Morenës: “Unë e di”.
Ledri Vula nuk ka sjellë ende ndonjë projekt muzikor për këtë vit. Për herë të fundit ai ka publikuar një këngë në dhjetor të vitit të shkuar, që mban titullin “Sot sot sot” dhe u kthye shumë shpejt në hit, si çdo këngë tjetër e artistit.
