Bashkëshortja e Justin Bieber, modelja Hailey, është një ndër vajzat më të ndjekura në rrjete sociale, e cila numëron 34.2 milion ndjekës. Modelja tërheq gjithmonë vëmendjen me stilin e saj e kombiminet e shumta të rrobave, duke qenë gjithashtu një influencer për vajzat.
Por sigurisht, të jesh Hailey Bieber ndonjëherë kushton, ndaj do të habiteni me çmimin e bizhuterive të modeles, me të cilat pozoi pak ditë më parë. Ndërsa po merrte rreze gjatë fundjavës, Hailey Bieber postoi një foto në Instagram,e veshur me bikini së bashku me bizhuteri prej floriri dhe diamanti me vlerë gati 30,000 dollarë. Çmenduri apo jo?
Bukuroshja zgjodhi një treshe nga argjendaria e Jacquie Aiche, një gjerdan në formë Y të mbushur me gurë dhe një zinxhir të zbukuruar me një diamant.
View this post on Instagram
Hailey dhe Justin Bieber kurorëzuan dashurinë me martesë në vitin 2018-të. Asokohe të dy ata ishin shumë të rinj në moshë për të marrë një vendim aq të madh për jetën, ndaj u komentuan gjerë e gjatë për këtë fakt. Para pak ditësh, Hailey ju është përgjigjur të gjithë skeptikëve për martesën e tyre në moshë të hershme dhe ka treguar se çfarë i shtyu të dy të shkonin drejt celebrimit. Kur vendosën të martoheshin Hailey ishte vetëm 21 vjeçe, ndërsa Justin 24.
“Ne ishim shokë shumë përpara se historia të bëhej romantike. E dinim se kishim diçka që na lidhte dhe për atë çfarë donim për të ardhmen tonë. Flisnim shpesh për vendimin e martesës në moshë të re. Diskutonim dhe donim një familje të madhe në moshë të vogël. I dinim këto gjëra pa ditur ende se donim të ishim me njëri-tjetrin. U martova kur isha vetëm 21 vjeç, 2 muaj para se të bëhesh 22 që është një moshë çmendurisht e re për diçka të tillë. Duket qesharake kur e thua me zë të lartë, por për mua dhe Justin tingëllon ndryshe”, ka thënë ajo.
