Bill Gates dhe bashkëshortja e tij, Melinda janë divorcuar pas 27 vitesh martesë. Pasuria e tyre kap shifrën marramendëse prej 127 miliardë dollarësh.
Këtë lajm e bëri të ditur vetë themeluesi i Microsoft, i cili njoftoi ndarjen në nëpërmjet një postimi në “Twitter”.
“Pas një mendimi të gjatë dhe shumë pune, ne kemi marrë vendimin për t’i dhënë fund martesës sonë. Gjatë 27 viteve të fundit, ne kemi rritur tre fëmijë të mrekullueshëm dhe kemi ndërtuar një fondacion që punon në të gjithë botën për t’i mundësuar të gjithë njerëzve të bëjnë jetë të shëndetshme dhe produktive.
Ne vazhdojmë të ndajmë një besim në misionin tonë dhe do të vazhdojmë të punojmë së bashku në fondacion, por nuk besojmë më se mund të rritemi së bashku si çift në fazën e ardhshme të jetës sonë. Ne kërkojmë hapësirë dhe privatësi për familjen tonë”, tha Bill Gates në këtë deklaratë të papritur.
Pas ndarjes, detaje të “çuditshme” po mësohen për marrëdhënien e çiftit që tashmë është kthyer në kryefjalën e mediave. Të huajat shkruajnë se Bill dhe Melinda kishin bërë një marrëveshje së bashku për martesën e tyre, e cila përfshinte një javë në vit pushime për Bill me ish-të dashurën e tij, Ann Windbal.
Bill dhe Ann Winblad ishin të lidhur në vitet 80 por u ndanë në 1987, të njëjtin vit kur u takua me gruan e ardhshme Melinda.
E çuditshme, apo jo?
