Pas afro shtatë viteve martesë, Kim Kardashian dhe Kanye West i dhanë fund marrëdhënies së tyre të shumëpërfolur. Mediat e huaja raportuan se me 19 shkurt, Kim firmosi letrat e divorcit dhe ndarja e tyre ishte tepër paqësore.
Ditë më parë, Kanye West është dorëzuar dhe si përfundim i është përgjigjur kërkesës për divorc të Kim Kardashian, të cilën ajo e bëri 2 muaj më parë. Sipas një përgjigje ligjore të paraqitur nga avokati i reperit, West, 43, kërkon kujdestari të përbashkët ligjore dhe fizike të fëmijëve të tyre: vajzat North, 7, dhe Chicago, 3, dhe djemtë Saint, 5, dhe Psalmi, i cili do të mbushë 2 vjeçe më muajin maj.
Lart e poshtë qarkullon versioni se Kim ka kërkuar e para ndarjen nga reperi.
Së fundmi, burimet pranë yllit të hip-hopit kanë treguar se ai është mërzitur nga lajmet që thomë se ishte Kim Kardashian ajo që kërkoi së pari ndarjen e tyre.
Thuhet se reperi, i cili iu përgjigj kërkesës për divorc “është jashtëzakonisht i bezdisur që historia po paraqitet sikur ajo do të divorcohet”.
Mirëpo, nga ana tjetër duket se Kanye akoma nuk i ka dhënë fund pasi vazhdon të mbajë unazën e dasmës pavarësisht se kanë kaluar dy muaj qëkur Kim bëri kërkesë për divorc .
Ky zbulim erdhi nga DJ Khaled, i cili publikoi imazhe të West në Instagramin e tij pasi reperi i bëri një vizitë producentit për të dëgjuar këngë nga albumi i tij i ardhshëm.
