Familja Kardashian-Jenner njoftoi para disa muajsh se spektaklit të tyre, “Keeping Up With The Kardashians” po i vinte fundi. Në një intervistë të dhënë për “Grazia”, Kim Kardashian deklaroi se kjo ishte një dëshirë e përbashkët e gjithë familjes.
Kim u shpreh se ajo ishte gati për një pushim pas 14 vitesh xhirim pa ndalim.
“Kjo ishte një ëndërr për të gjithë ne. Asnjëherë nuk e kishim imagjinuar se do të arrinim sezonin e dytë. Tani jemi në të 20-tin. Ndonjëherë kemi nevojë për pushim. Është shumë e thjeshtë”, është shprehur Kim.
Duke folur për jetën e saj familjare, ajo u shpreh se të qenurit nënë e 3 fëmijëve ka ndryshuar prioritetet e saj në jetë.
“Dhe ne kemi fëmijë tani. Dhe ata kanë nevojë për ne. Ka shumë gjëra që po ndodhin dhe sikur për vetëm 1 minutë ne kemi nevojë për pushim”, tha ylli.
Ndërkohë pas përfundimit të “Keeping Up With The Kardashians”, familja më e famshme po vjen me një tjetër shfaqje. Kim ndau këtë lajmin përmes llogarisë së saj në Twitter, ku ka zbuluar se projekti i ri do të shfaqet premierë në Hulu pas përfundimit sezonit të fundit të “KUWTK”.
“Nuk do të jemi larg ekranit për shumë gjatë. Spektakli ynë në HULU do të nisë rrugëtimin, pas përfundimit të sezonit të fundit të “Keeping up With the Kardashians””, shkroi në Twitter Kim.
