Ditët e fundit në rrjet është ngritur një tjetër denoncim për qentë endacakë në kryeqytet dhe nisën të qarkullonin disa video në të cilat shihej se si policët bashkiakë merrnin qentë zvarrë në lagjet e qytetit dhe i çonin më pas në spital për t’i vrarë me acid klohridrik ne zemër.
“ARSA Albania” ka qenë e para që ka bërë denoncimin dhe ka publikuar videon rrëqethëse nga Kashari. Disa qytetarë kanë nxituar para pak ditësh të shpëtojnë qentë, por janë përballur me arrogancën dhe dhunë nga policët që i kanë larguar me forcë.
View this post on Instagram
Një pamje horrori tregojnë dhe pamjet e publikuara në vitin 2018. CNA.al ka publikuar videon që tregon masakrën mbi kafshët e rrugës, në Klinikën Veterinare.
Denoncimi i bërë para 3 vitesh nuk pati asnjë përgjegjës mbi këtë situatë dhe në korrik të po atij viti, ishte emisioni Stop që denoncoi se si qentë e ngordhur që nxirreshin nga Klinika Veterinare hidheshin më pas në landfill.
Pas ngjarjes së bujshme qindra vetë u mbledhën para bashkisë së Tiranës për disa ditë me radhë me thirrjet që vrasja e kafshëve të ndalet dhe Erion Veliaj të mbajë përgjegjësi për atë çfarë ndodh.
Nga ana tjetër, në mediat e kontrolluara nga Bashkia dolën lajme të rreme, sipas të cilave një pitbull kishte kafshuar një fëmijë, duke i rrezikuar jetën.
Po ashtu, Erion Veliaj nxjorri mesazhet që moderatorja e Ora News, Roza Lati, i kishte dërguar më parë duke iu ankuar për kafshët e rrugës.
Në këtë mënyrë, Veliaj e largon vëmendjen nga debati me lajmet e rreme tek sulmet personale. Ndërkohë që qytetarët prej ditësh i kërkojnë llogari, ai nuk ka bërë asnjë lloj reagimi dhe vazhdon të merret me fasadën në rrjete sociale.
