Miley Cyrus ka arritur një super sukses, që e ka renditur në 3 artistet më të dëgjuara të dekadave të fundit. Këngëtarja ka bërë të ditur se ka arritur 1 miliardë dëgjime në Spotify, duke ju bashkuar Taylor Swift dhe Lady Gaga-s. Ajo është shprehur shumë e lumtur për këtë moment, teksa ka kujtuar si e nisi rrugëtimin e saj në muzikë dhe ku është sot.
“Jam e nderuar që jam një nga 1 nga 3 artistet që në 3 dekadat e fundit kam arritur 1 miliardë dëgjime në Spotify. Jam krenare që i jam bashkuar Taylor Swift dhe Lady Gaga-s, dashuri dhe vlerësim për të gjithë ata që kanë dëgjuar Plastic Hearts dhe kanë mbështetur qëllimin e jetës sime që nga fillimi! Muzika është një pjesë e rëndësishme e ekzistencës sime. Nuk mund t’ju falenderoj mjaftueshëm që i bëtë realitet ëndrrat e mia”, ka shkruar Miley përkrah disa fotove të saj.
View this post on Instagram
Kujtojmë se së fundmi Miley Cyrus dhuroi një performancë mjaft emocionuese në “Super Bowl” të mbajtur në Florida. Teksa ishte duke performuar hitin e saj “Wrecking Ball”, Miley shpërtheu në lot dhe iu desh të ndalonte së performuari. Ndërkohë që ishte duke kënduar “Don’t you ever think, i just walked away, i will always want you”, zëri i Miley filloi të shuhej dhe të dridhej. Këngëtares ju desh pak kohë sa të mblidhte veten nga emocionet, të fshinte lotët dhe t’ja niste nga e para. Pavarësisht kësaj ajo arriti ta mbyllte performancën e saj me sukses dhe i shpjegoi publikut përse u prek aq shumë.
Miley shpjegoi se ajo përpiqet ta ruajë shumë veten e saj, por zemra i është thyer shpeshherë dhe ndaj nuk mundi të mbante lotët në këtë këngë kaq të ndjerë. Kaq mjaftoi që fansat e saj të mendonin menjëherë se “fajtor” për performancën prekëse ishte Liam Hemsworth, duke qenë se edhe “Wrecking Ball” besohet se i dedikohet pikërisht atij.
