Olsi Bylyku dhe Egli Tako zyrtarizuan lidhjen e tyre para disa kohësh, duke u bërë një nga çiftet më të dashura të showbiz-it shqiptar.
Ata shpesh ndajnë video gazmore me ndjekësit, duke treguar rreth marrëdhënies së tyre veshur me nota humori, sikundër i takon Olsit.
Ditën e sotme, nëna e Olsit feston ditëlindjen dhe dyshja kanë zgjedhur ta urojnë publikisht në këtë ditë të veçantë.
Olsi ka publikuar në InstaStory një foto së bashku me të ëmën, krahas së cilës ka shkruar:
“Gëzuar ditëlindjen e shtrenjta ime nënë, të do maçoku”.
Nga ana tjetër, partnerja e Olsit ka zgjedhur fjalët më të bukura për të uruar vjehrrën e saj.
“Gëzuar ditëlindjen lule, e festofsh 100 të tjera të bekuara! Me fat që të kemi!”, ka shkruar ajo.
Edhe një herë Violeta dhe Egli na dëshmuan mbi marrëdhënien e bukur dhe të ngushtë që kanë.
Më herët, Olsi Bylyku kishte të ftuar në emisionin e tij partneren, Egli Tako. Ata treguan për herë të parë me detaje historinë e njohjes së tyre, sepse asnjëherë më herët nuk kishin folur publikisht për këtë gjë. Çifti rrëfyen se Lorenc Hasrama ishtë “cupidi”, që bëri të mundur që ata të njiheshin me njëri-tjetrin.
Ata të dy e kanë pasur Lorencin mik të përbashkët dhe prej tij u njohën për herë të parë. Egli tregoi se Olsin e ka ndjekur gjithmonë nga ekrani kur luante rolin e “Kimikatit” në “Portokalli” dhe nuk e mendonte kurrë se një ditë do të ishte çift me të. Ajo tregoi se e gjitha nisi nga një “folloë” që Olsi i bëri në “Instagram” pasi Lorenci publikoi një foto me Eglin.
