Konkurrentja e “Për’puthen” Sindi Loci është shumë aktive në rrjetet sociale dhe çdoherë gjen kohë për fansat e saj.
Në një bisedë virtuale të zhvilluar së fundmi, ajo u ka drejtuar ndjekësve një pyetje: “Çfarë ju motivon edhe kur ndiheni shumë të demoralizuar?”
Kishte shumë fansa që mernnin pjesë në këtë bisedë duke iu përgjigjur tematikës së ngritur dhe kishte mjaft të tjerë të cilët ishin kuriozë mbi zhvillimet më të fundit në program.
“A je gati të luftosh me vajzën e re për Muratin?”, e pyeti një ndjekës/e Sindin.
“S’kam pse luftoj me asnjë për askënd. Është Murati ai që do zgjedhi se kush i pëlqen apo jo. Në qoftë se nuk e keni vënë re unë nuk jam tipi që luftoj për dikë. Preferoj që personi tjetër të luftojë për mua”, iu përgjigja ajo.
Mesa duket ndjekësve u paska bërë mjaft përshtypje hyrja e re në program, për të cilën mendojnë se do t’i trazojë ujërat mes dyshes dhe një tjetër e pyeti nëse vajza e re që hyri mbrëmjen e djeshme, do t’ia rrëmbejë Muratin.
“Nëse arrin ta “rrëmbejë” do të thotë që s’ka qenë kurrë i imi”, përgjigjet Sindi sërish.
Nëpërmjet kësaj bisede një tjetër ndjekës e këshillon që të luftojë për Muratin, për aq kohë sa e la për Locon.
“Ku e lash unë për Locon? Unë pikërisht nuk zgjodha të dilja me Locon kur ai u largua, sepse ndjeja diçka për Muratin”, tha Sindi.
