Aktori i njohur Aiden Turner, është martuar me të dashurën e tij, Caitlin Fitzgerald pas një lidhje tre vjeçare. Mediat e huaja kanë raportuar se ata janë martuar një një ceremoni të fshehtë në Itali.
Sipas burimeve, çifti po planifikonin prej kohësh të martoheshin dhe ceremonia ishte realizuar fshehurazi për shkak të stilit të tyre jetësor.
“Çifti janë të dashuruar çmendurisht dhe mezi po prisnin për këtë. Ata janë të dy shumë privatë dhe e kanë mbajtur shumë të mbyllur ceremoninë, por ata morën vëmendje me unazën e martesës gjatë një shëtitje”, tha një burim për “The Sun”.
Kujtojmë se aktorët janë në një romancë dashurie që nga viti 2018. Bashkëshortja e tij, është bërë e njohur më së shumti për rolin e saj si Libby Masters në dramën amerikane “Masters Of Sex”.
Aiden Turner është shumë i njohur për rolin e tij, si kapiteni Ross Poldark, i cili vjen nga një familje me emër në Cornëall, Mbretëri e Bashkuar. Biznesi i tij familjar i minierave është shkatërruar pas vdekjes së babait, i cili i ka lënë dhe një numër të madh borxhesh.
Pasi Ross (Aidan Turner) kthehet nga lufta, pret që të gjejë krahëhapur të dashurën e tij Elizabeth (Heida Reed), të cilës i ka premtuar dashuri të përjetshme. Por kur arrin në shtëpi, të gjithë mendonin se ai kishte vdekur, dhe sikur të mos mjaftonte kjo, Elizabeth është fejuar me kushëririn e tij Francis (Kyle Soller).
