Të gjithë kemi rënë pre e ‘gënjeshtrës’ së madhe që quhet “Instagram”. Sa herë ju ka ndodhur të shihni live dikë që ju ka zhgënjyer, pasi e kishit parë vetëm në rrjete sociale?
Shumica e njerëzve kanë tendencën të përdorin filtra për të ndryshuar tiparet e tyre, për të tërhequr sytë, zmadhuar buzët, zvogëluar hundët etj.
Mirëpo, këto filtra krijojnë pritshmëri të mëdha tek të tjerët, të cilët le të themi se “zhgënjehen” kur ju shohin live.
Nuk e dimë çfarë e bindi, por Kylie Jenner vendosi të heqë dorë nga filtrat në rrjete sociale. Fotot e videot e saj të fundit janë realizuar pa asnjë filtër dhe asnjë efekt dhe sa mirë ka bërë!
Në fakt, po shpresojmë që Kylie t’i kthejë në trend fotot e videot pa filtra, që të shohim njerëz më “realë” edhe në rrjete sociale dhe të mos gënjejmë veten e të tjerët duke u hequr si ata që s’jemi.
Miliarderja ka qenë së fundmi qendra e kritikave, pasi kërkoi ndihmë nga ndjekësit për mikun e saj grimier, i cili i ishte nënshtruar një operacioni të vështirë.
Ata iu kundërvunë 23-vjeçares, duke u shprehur se Kylie me aq shumë para në bankë, i kërkonte të tjerëve të ndihmonin mikun e saj, kur mund ta bënte vetë.
Ndërkohë së fundmi ajo ju është përgjigur të gjithë kritikave përmes në deklarate të gjatë në Instagram. Ajo ka treguar se në fakt ka kontribuar edhe vetë për shërimin e grimierit dhe se kjo ndihmoi në plotësimin e shifrës prej 10 mijë dollarësh.
“E ndjej se është e rëndësishme për mua që të sqaroj këtë histori të rreme, sikur unë ju kam kërkuar fansave të mi para dhe se vetë nuk po paguaj për shërimin e grimierit tim. Sam nuk është grimieri im dhe fatkeqësisht ne nuk kemi ndonjë marrëdhënie personale, por unë kam punuar me të disa vite më parë dhe mendoj se ai është njeri shumë i mirë”, është shprehur ajo.
Më pas Kylie ka treguar se në fillim mësoi për aksidentin e Samuel nga grimieri i saj aktual, Ariel Tejada dhe u ndje e detyruar që ta ndihmonte.
“Ata kishin mbledhur 6 mijë dollarë, kështu që unë dhurova 5 mijë dollarë për të arritur qëllimin e tyre origjinal dhe mendova që ta postoja në instagramin tim për të ndërgjegjësuar më shumë njerëz nëse donin të kontribonin”, ka shpjeguar Kylie.
“Unë nuk e di si u transformua gjithë kjo histori, por familja e Samuel më ka kontaktuar përmes Ariel dhe janë shumë mirënjohës për gjithë donacionet, lutje dhe dashuri për Sam”, ka shkruar ajo.
