Aktorja e humorit, Rudina Dembacaj ka qenë së fundmi e ftuar në emisionin e humorit “Klanifornia”, ku ka luajtur një rol me aktorin Visjan Ukcenaj.
Dembacaj është shumë aktive me ndjekësit e saj në rrjetet sociale dhe së fundmi ajo ka realizuar një bashkëbisedim virtual me to në InstaStory.
Në këtë intervistë, një ndjekës i shpreu mendimet në lidhje me rolin e saj në emisionin e humorit “Klanifornia”.
“Ishe shumë lart tek “Klanifornia”, Visjani i humbi vlerat rolit tënd”, I shkruan ndjekësi/ja.
“Visjani thjesht më dha përparësi se unë isha e ftuara. Si verior i mrekullueshëm, nuk kërkoi vëmendje, por më respektoi mua. Kjo bëhet nga artistë dhe djem të mirë. Ka ca të tjerë, që edhe të ftojnë, edhe s’të lënë të flasësh! Prandaj jam shumë e rezervuar tashmë. Visjani është super aktor”, i është përgjigjur Rudina, duke na lënë në mëdyshje se kë thumboi aktorja me fjalët “të ftojnë edhe s’të lënë të flasësh”…
Ndërkohë nuk kanë munguar as pyetjet në lidhje me marrëdhënien që aktorja ka me partnerin e saj, Markun.
“A je xheloze? Dhe sa rëndësi ka Marku për ty?”, e pyet ndjekësi-ja.
“Jo nuk jam, veçse kam ca rregulla, që në qoftë se mi thyejnë, i them: Faleminderit, Lamtumirë.
Shumë i rëndësishëm!”, i është përgjigjur Dembacaj.
Kujtojmë se Rudina Dembacaj mori në shtator propozimin më të bukur për martesë nga Mark Frroku, duke i thënë “Po” përgjithmonë. Propozimi ka ardhur si një surprizë e vërtetë për Rudinën, pasi Marku kishte përgatitur vetë gjithçka në detaje. Aktorja ka zbuluar se ai i ka propozuar në një nga vendet më të bukura të Turqisë, Cappadocia, dhe momentin më të bukur të jetës e kanë fiksuar përmes disa fotografive.
Dembacaj na ka surprizoi të gjithëve në janar të këtij viti, teksa publikoi disa foto nga Bashkia e Tiranës, ku shihet bashkë me Markun. Ata janë martuar, sigurisht pa ceremoni, vetëm në praninë e personave që kanë bërë celebrimin.
Megjithatë, aktorja e humorit premton se shumë shpejt do bëjnë edhe dasmën, teksa tanimë ajo mban edhe mbiemrin Frroku.
