Suksesi i Rita Orës, i ka kaluar kufinjtë ndërkombëtarë dhe rrjedhimisht dhe familjarët e saj janë mjaft të njohur për fansat.
Këngëtarja shqiptare po shijon aktualisht qëndrimin e saj në Australi, ku po shërben si mentore në sezonin e ri të “The Voice of Australia”.
Ndërkohë nëna e saj mesa duket ndodhet aktualisht në Tiranë, pasi paparacët e “Revista Who” kanë arritur që ta fotografojnë. Bëhet e ditur se ajo është parë në një nga lokalet e kryeqytetit e shoqëruar nga familjarët e saj.
Akoma nuk janë bërë të ditura arsyet se pse nëna e Ritës ndodhet në Shqipëri. Ndërkohë bashkëshorti i saj ka bërë një postim në rrjetet sociale ku tregon se ndodhet në territorin shqiptar.
Rita Ora këto kohë ajo ka qenë shpesh në qendër të vëmendjes mediatike dhe mjaft aktive në rrjete sociale. Këngëtarja ka ndarë shpesh me fansat foto të saj, teksa një nga postimet e fundit ka tërhequr vëmendjen e të gjithëve.
Rita shfaqet e veshur me një fustan të zi dhe duket mjaft sensuale. Anash fustani nuk është qepur, por i kapur me disa lidhëse dhe kjo i ka tërhequr vëmendjen nënës së saj, që i ka lënë një koment tipik shqiptar.
“Zemra bre peni holl…”, ka shkruar Vera Ora në komente shoqëruar me disa zemra të kuqe. Ky koment ja ka rënë në sy ndjekësve të tjerë, që thonë se Vera është njësoj si gjithë nënat shqiptare.
