Aktorja e famshme Jessica Alba është shfaqur në kopertinën e revistës “Romper” për muajin mars, ku ka treguar detaje që s’i dinim për jetën e saj.
Në vitin 2008, ajo u bë nënë për herë të parë dhe pikërisht mëmësia e shtyu Jessica-n të hiqte dorë nga aktrimi. Kjo për t’iu përkushtuar më shumë fëmijëve e familjes së saj, pasi kjo ishte gjëja që e bënte të ndihej mirë dhe e lumtur.
“Nëna ime dhe shumë gra në familjen tonë kanë kaluar lloje të ndryshme kanceri. Kam kuptuar me ardhjen në jetë të vajzës time që duhet t’i kushtojë kohë asaj dhe familjes sime. Nuk ka asgjë rëndësi sa ata. Unë vetë kam bërë 5 operacione deri në moshën 11-vjeçare pasi vuaja nga probleme kronike. Unë e di sa e vlefshme është jeta dhe është e vështirë të jesh e lumtur kur nuk je e shëndetshme”, ka rrëfyer ndër të tjera Jessica Alba.
Aktorja është mama e tre fëmijëve, Honor, Haven dhe Hayes, të cilët duhet të ndihen me fat që kanë një mama kaq të përkushtuar.
Së fundmi, Jessica ka nisur të aktivizohet sërish në aktrim, por fokusi i saj më i madh vazhdojnë të mbeten bizneset dhe sigurisht familja e saj.
