Eva Murati është një nga moderatoret sportive më të dashura të ekranit shqiptare. Publiku e ka pëlqyer gjithmonë për shkathtësinë e saj dhe faktin që ka dëshmuar se gazetaret sportive mund të jenë po aq të zonja sa koleget e tyre. Shpesh ajo ka tërhequr vëmendjen e mediave të huaja, që i kanë kushtuar artikuj special Evës dhe talentit të saj. Disa muaj më parë mediat e huaja e krahasonin Muratin me gazetaren e famshme italiane, Diletta Leotta.
Kështu fama e Evës i ka kaluar kufijtë shqiptarë dhe së fundmi ajo ka qenë e ftuar speciale në një nga emisionet më të ndjekura nga fqinjët tanë përtej detit. Mbrëmjen e djeshme ajo ishte e ftuar në emisionin italian “Tiki Taka”, i cili i dedikohet sportit. Emisioni, i cili transmetohet në “Mediaset” mbledh çdo të hënë ekspertët dhe gazetarët më të mirë nga fusha e sportit dhe Eva ishte një nga të përzgjedhurat e mbrëmjes së djeshme.
View this post on Instagram
Përveç Evës në emision ishin të ftuar edhe trajeneri i Udineses Luka Goti, ish-mesfushori i Interit, Niko Berti, Diego Armando Maradona Jr dhe Francesco Oppini, një prej komentatorëve sportivë më të ndjekur të momentit. Përveçse për sharmin e saj, Eva Murati tërhoqi vëmendjen e teleshikuesve italianë për shkak të harmonisë televizive që kishte me Oppini-n, duke qenë se të dy janë edhe tifozë të Juventusit.
