Floriana Garo është rikthyer në Shqipëri prej disa javësh, për shkak se mori rolin e zëdhënëses në Partinë Demokratike. Ish-missi tregoi para disa ditësh në një intervistë për “Kjo javë” se e mendonte prej kohësh këtë gjë dhe se ka diskutuar përherë me bashkëshortin rikthimin në Shqipëri.
“Ma bëri Lulzim Basha ftesën, por unë vetë kam shprehur dëshirën për të kontribuar në PD. Ka qenë një vendim i diskutuar me familjen dhe isha e gatshme të jepja kontributin tim. Misioni do të vijojë, jam kthyer me këtë qëllim. Është e rëndësishme që njeriu të provojë veten, por synimi është për të vijuar”, tregoi Floriana.
Floriana ka pohuar që edhe nëse Partia Demokratike s’do të fitojë zgjedhjet, ajo do të vazhdojë rrugëtimin e saj në politikë.
Por, e dini kush është mbështetja e saj më e madhe? Pikërisht bashkëshorti!
Megjithëse s’i kishim parë prej kohësh së bashku në publik, ai u shfaq krah partneres teksa ajo ndjek rrugën e re të cilës i është futur.
Floriana është treguar gjithmonë shumë e rezervuar për sa i përket postimeve në rrjete sociale për familjen e saj, sidomos për fëmijët. Ajo tha se me bashkëshortin e saj ka vendosur që të mos postojnë foto të të vegjëlve, sepse nuk shohin asnjë të mirë nga ky veprim.
