Eva Murati është në nga moderatoret dhe aktoret më simpatike të ekranit shqiptar. Ajo është vlerësuar gjithmonë për shkathtësinë dhe artikulimin e saj e i ka dhënë fund paragjykimit se gazetaret sportive janë vetëm të bukura.
Ndonëse të gjithë ne mund të mendonim se kemi parë gjithçka nga Eva, ajo i ka surprizur të gjithë mbrëmjen e sotme. Moderatorja ishte e ftuar në sezonin e ri të emisoinit “Soiree”, që sot ju dedikua vetëm qytetit të saj të lindjes, Elbasanit.
Eva tregoi se ka lindur në Elbasan, por është larguar nga qyteti i saj për t’u zhvendosur në Tiranë pas 6 vitesh. Megjithatë moderatorja shtoi se vazhdon të ruajë kujtime shumë të bukura nga qyteti i lindjes. Madje dedikuar qytetit të saj të lindjes, moderatorja e njohur bëri atë që nuk e ka bërë deri më tani në skenë dhe i surprizoi të gjithë duke treguar një tjetër talent të saj.
Eva Murati u shfaq në “Soiree” edhe si këngëtare, teksa performoi përkrah grupit Alar Band. Ata kënduan bashkë këngën “Vajta në Elbasan” dhe Eva i bëri të gjithë për vete me performancën e saj. Nuk e dimë nëse Eva do e lërë me kaq eksperimentimin në muzikë, apo do ta vazhdojë më tej. Mbetet ta shohim nëse në të ardhmen do e shohim edhe si këngëtare.
