Britney Spears prej kohësh është e shkëputur nga muzika, pavarësisht se fansat vazhdojnë ende ta duan njësoj si ditën e parë. Madje duket se ajo ka një fanse shumë të madhe, që po i kërkon me këmbëngulje të këndojë sërish. Këngëtarja ka zbuluar së fundmi se nëna e saj i është përgjëruar që të nisë të këndojë, ashtu siç të gjithë dëshirojmë.
Britney ka ndarë në rrjete sociale një video të saj duke performuar këngën e saj, “You got it all”. Përkrah videos ajo ka shkruar se tashmë e ka harruar edhe vetë se mund të këndojë dhe zbuloi se e ëma Lynne i dërgoi pamjet në fjalë.
“Mami më dërgoi këtë dhe më kujtoi që mund të këndoj! Më tha: ‘Ti nuk këndon më… duhet ta bësh sërish’. Në fakt nuk e kam parë kurrë këtë performancë. Është një nga udhëtimet e mia të para vetëm, më kujtohet vetëm që thosha ‘Wow Singapori’”, ka shkruar Britney përkrah videos.
View this post on Instagram
Britney nuk ka publikuar asnjë album që nga viti 2016-të, që mban titullin “Glory”. Aktualisht ajo refuzon të performojë , teksa vazhdon të ketë probleme me kujdestarinë me babanë e saj.
“Neë York Times” publikoi së fundmi një dokumentar për jetën e Britney Spears dhe jetën e saj të kontrolluar, dokumentar i cili u quajt “Framing Britney Spears”. Dokumentari trajtonte jetën e këngëtares nga fama, problemet me drogën dhe marrëdhëniet e ndryshme, e deri te kujdestaria e të atit, Jamie Spears. Bota u shokua nga fakti që në moshën 26 vjeçare, Spears ishte vendosur nën një kontroll që zakonisht i vendoset të moshuarve ose personave të paaftë fizikisht ose mendërisht për të marrë vendime.
