Disa ditë më parë, Alex Rodriguez fluturoi drejt Republikës Dominikane për të qëndruar pranë Jennifer Lopez, teksa ajo po xhiron një projekt të ri. Ndonëse dyshja janë përfolur së fundmi për një ndarje, fotot e kapur nga paparaci tregojnë krejt të kundërtën.
“Daily Mail” ka publikuar disa foto në të cilat ata të dy shihen shumë të afërt, ndërsa shkëmbejnë puthje me njëri-tjetrin. Çifti duket mjaft i relaksuar dhe puthjet pasionante mes tyre kanë qenë shumë të shpeshta. Burime për revistën “People” kanë thënë se ata të dy vazhdojnë ende të jenë të fejuar dhe janë shumë të lumtur përkrah njëri-tjetrit.
“Ata janë shumë të lumtur, megjithatë Jennifer vazhdon të ketë probleme me besimin. Ata janë shumë larg planifikimit të një dasmë tjetër, por vazhdojnë të jenë të fejuar. Edhe pse Jennifer ka qenë me xhirime, ajo ka pasur mundësinë që të kalojë kohë edhe me Alex. Ka qenë diçka shumë e mirë që ata kanë pasur mundësinë të kalojnë kohë me njëri-tjetrin. Jennifer ishte shumë pranë dhënies fund të marrëdhënies, por është shumë e lumtur që janë ende bashkë”, kanë thënë burimet.
Kujtojmë se disa muaj më parë u përfol se Alex kishte tradhtuar Jennifer me me Madison LeCroy, pjesë e një reality-shoë. Në epidosin e fundit të shoë-t, LeCroy u akuzua nga disa pjesëmarrës të tjerë se ka fjetur me ish-anëtarë të martuar të Major League Baseball, e sipas burimeve, një person i mundshëm është pikërisht Rodriguez. Mirëpo Madison më vonë i hodhi poshtë këto aludime, duke u shprehur se ajo dhe Alex kanë komunikuar vetëm përmes celularit dhe se nuk ka pasur kurrë kontakt fizik mes tyre.
