Modelja e njohur, Chrissy Teigen, ka revoltur ndjekësit me një foto të publikuar së fundmi në rrjetet sociale. Ajo u shfaq topless ndërkohë që qëndronte pranë të birit të saj 2-vjeçar. Modelja shkroi krahas fotos: “Prit derisa të mësojnë se ne bëjmë dush së bashku”, si një mënyrë për tu paraprirë komenteve negative.
Chrissy po qëndronte në këmbë, e veshur me një korse të zezë me bel të lartë, ndërkohë që Miles qëndronte tek këmbët e nënës së tij. Modelja kishte mbuluar gjoksin me duar, ndërkohë që mbante veshur një palë taka të zeza të larta.
Chrissy është edhe nënë e një vajze 4-vjeçare, Luna, të cilët kanë ardhur në jetë nga martesa me këngëtarin e njohur, John Legend.
Kujtojmë se Disa muaj më parë Chrissy Teigen humbi pas një aborti fëmijën e tretë të saj. Fatkeqësisht vogëlushi nuk mundi t’i shpëtonte një hemoragjie që pati modelja dhe pasi ai lindi pa jetë ajo bëri një postim shumë prekës në rrjete sociale. Nëse fëmija do të kishte arritur të mbijetonte, ai do të kishte ardhur në jetë ditën e djeshme, që ishte planifikuar si dita e tij e lindjes.
Pas kësaj ngjarje të rëndë, Chrissy mori dhe një vendim drastik. Ajo vendosi të mos ngelet kurrë më shtatzënë.
