Vajzat e familjes Kardashian-Jenner janë bërë pothuajse të gjitha nëna dhe secila e prej tyre e di mirë kur duhet t’i japë këshilla motrës e kur duhet të heshtë në lidhje me prindërimin. Në një intervistë për revistën “Gritty Pretty”, Khloe Kardashian ka treguar se kur vjen puna tek këshillat për prindërimin të gjitha motrat e saj e dinë që nuk duhet të flasin kur nuk ju takon.
“Ka gjithmonë sfida kur rit një fëmijë, por jam me shumë fat që kam një mbështetje shumë të madhe nga familja. Ne gjithashtu e dimë se kemi familjet tona dhe nuk na pëlqen që të japim shumë këshilla, vetëm nëse na kërkohet. Asnjëherë nuk e kritikojmë njëra-tjetrën për mënyrën se si rrisim fëmijët. I urrejmë kritikuesit”, është shprehur ajo.
Khloe ka një vajzë 2-vjeçare të quajtur True dhe ajo ka treguar se gjithmonë përpiqet të kalojë kohë sa më të vlefshme me të edhe në ditët kur është e ngarkuar me punë.
“Ditët e mia mund të jenë shumë të ngarkua me konferenca, kështu që gjithmonë sigurohem që unë dhe True të kalojmë kohë cilësore me njëra-tjetrën në mëngjes dhe gjithmonë hamë darkën bashkë para se të flemë gjumë. Pjesa më e bukur e mëmësisë është të shikoj True teksa rritet dhe bëhet e pavarur, t’i dëgjoj zërin dhe ta shoh ta përdorë zërin e saj akoma e më shumë”, është shprehur Khloe.
Kujtojmë se së fundmi Khloe pranoi publikisht ribashkimin me Tristan Thompson, duke i bërë atij një dedikim shumë romantik për 30-vjetorin.
“Ata që e kanë të shkruar për të qenë bashkë, janë ata që kalojnë çdo gjë që mund t’i ndaj dhe që bëhen më të fortë nga sa ishin më parë. Faleminderit që më ke treguar çdo gjë që the se do të bëje. Për babanë që je. Për shokun e mirë që kam gjetur tek ty. Jam mirënjohëse që mund të bëj absolutisht asgjë me ty dhe të duket sikur kam bërë gjithçka. Shpresoj që ta kuptosh sot dhe çdo ditë se sa i dashur je për mua dhe për shumë të tjerë. Gëzuar ditëlindjen Tristan! Mirë se erdhe në të 30-tat. Mezi po pres për të gjitha kujtimet”, shkroi Khloe në urimin për partnerin e saj.
View this post on Instagram
