Vogëlushja e Ledri Vulës dhe Sara Hoxhës u bë “VIP” ende pa ardhur në jetë. Të gjithë flisnin për shtatzëninë e Sarës dhe për faktin që ajo dhe Ledri do të bëheshin prindër për herë të parë.
Madje, sapo lindi, e vogla e cila mori emrin më të veçantë, Poem Blu, u bë me një llogari personale në Instagram.
Tashmë, ajo numëron më shumë se dyzet mijë ndjekës në llogarinë e saj, ku prindërit i ndajnë pozat më të lezetshme.
Së fundmi, Poem ka vizituar Galerinë Kombëtare të Arteve me mami Sarën, teksa kjo e fundit i ka shkrepur edhe disa poza vetëm.
“Mami, ma bëj një foto këtu, pranë këtyre djemve”-janë fjalët me të cilat shoqërohen fotot e të voglës, që na i shkrinë zemrat.
View this post on Instagram
Madje, mami Sara dhe babi Ledri s’e kanë pasur aspak problem të tregojnë portretin e të voglës në rrjete sociale, duke na kënaqur sytë me poza të shumta.
Mirëpo, vetëm dy muaj pas lindjes së Poem Blu, kanë nisur ankesat e Sarës.
Partnerja e Ledrit ka treguar se ka harruar tashmë çfarë është gjumi, pasi qëndron pas të voglës ditë e natë. Për më tepër, Sara ka arritur deri në atë pikë lodhjeje, saqë ndonjëherë dëshiron të jetë babai. (Sigurisht, baballarët rrinë rehat!).
